Энэ сарын 5-нд буюу ирэх баасан гаригт “Барилгын салбарын удирдах ажилтны зөвлөгөөн-2024” манай аймагт болох гэж байна. Зөвлөгөөний ерөнхий зохион байгуулагчаар Барилга, хот байгуулалтын яам, аймгийн ЗДТГ, хамтран зохион байгуулагчаар Барилгын хөгжлийн төв ТӨҮГ, Газар зохион байгуулалт, геодези, зураг зүйн ерөнхий газар, аймгийн Газрын харилцаа, барилга, хот байгуулалтын газар, мөн салбарын төрийн бус байгууллагууд ажиллаж байна.
Зөвлөгөөнөөр барилга, хот байгуулалтын салбарт баримталж буй бодлого, бүсчилсэн хөгжил, Барилгын ерөнхий хуулийн шинэчилсэн найруулсын төслийн өөрчлөлт, Орхон аймгийн барилга бүтээн байгуулалт, аюулгүй орчин, цаашдын чиг хандлага, Аюулгүй барилга, аюулгүй орчин олон улсын туршлага зэрэг сэдвээр илтгэл тавьж хэлэлцүүлэх юм.
